Tibok

Sa ilalim ng buwang bilog

Sa tuktok nitong apartment

Na ipinatayo sa perang galing

Sa paghihirap sa Amerika ng ating mga magulang

Kapatid, anak, kaibigan

Ipinagtapat niya ang isang lihim

Tatlo pa lang kaming nakakaalam

Wika pa niya

Ang asawa, ang isa naming kaibigan

At ako.

Dapat ba na ako’y matuwa

Maging masaya sa sitwasyon?

O tanawin ang mga bukas pang darating

Na sabi nga ni Angela

“Wala na. Wala na...gumising ka..

Maniwala ka, bukas bagong umaga,

bagong ganda!”

Sana nga. Kahit wala pa rin akong tunay na suso.

Heto siya

Heto ako

Nagkakaintindihan na ba kami?

„Pag nagawa ko yan,

muling titibok ang puso.”

Tandaan mo yan!