Bituin

Mamamatay ka sa paglimot,
sabi ng Nana Charing sa akin.
Isang gabing muntik nang kainin
ng araw ang buwan sa maliwanag na himpapawid.
Nakasalampak kaming magkatabi sa tapat ng bintana,
habang iniisa-isa niyang inaalis
ang aking mga puting buhok.

Ang iyong ganda ay kaparis ng isang bituin
tuwing nabubugnot ang buwan;
ngunit nananatiling nakatungo sa ulap
kapag nagyayabang ng kanyang iba't-ibang anyo
ang reyna ng mga hatinggabi.
Sa isang sulok ka nakakubli,
naghihintay sa takdang panahon ng iyong pagniningning muli.

Tandaan mo anak.
Huwag pumayag na makalimot ang madla
sa kagandahan mong bigay ng mga tala.
Kung hindi, ikaw ay malilibing
sa bawat liwanag at init ng mga bukang-liwayway.
Umiyak ako sa palda ng Nana Charing.
Kaylan ako magtatagumpay sa aking iibigin?

Kay DB

30 March, 200_

sa iyong sinasabi na akin pa ring ate, ang walang kakupas-kupas na ms. Dina b. (di na bilog? Di na bisaya? Di na binitay? Di na binili? Ah basta dina b.),

sinusubukan ko ngang muling buhayin ang aking natuklasang natatanging talinong paminsan-minsan ko lang pagbigyan, dahil na rin sa ilang panahong pulos pag-ibig ang naging laman ng aking kalooban (mula kay albert hanggang kay ricardo…) kahit na sa ngayon ang tingin ko sa aking sarili pa rin ay nag-iisa. inaamin ko naman na ginusto ko ito. ito ang ibig ko, ang ibig gustuhin. Ano nga ba talaga?

sinasabi ko na nga ba na kapara pala ng aking ginagawa noon ang ginagawa mo kapag naglalaro ng pakikipaghabulan sa bolang puti ang mga lalaking kulay laman at amoy araw habang sabay nating pilit na binibigyan ng kahulugan ang ating mga talata. Sana nagkakilala na tayo nang lubusan noon, para kahit papaano ay nakakauwi tayo na nakadikit sa ating mga katawan ang amoy ng mga lalaking iyon. Pero sadyang may panahon sa bawat bagay na ating matutuklasan sa isa’t-isa. higit sa pitong taon na pala ang nakalipas mula pa ng mga araw na iyon. Parang ang tanda mo na samantalang ang bata-bata ko pa.

Hindi pa nasasabi ni maricel sa akin ang balak mong pananatili diyan sa bayan ng mga banyaga. Hindi pa nga kami nagkikita at lubusang nakakapag-usap mula nang lumipad papuntang thailand si tito alfie. Talagang mapapalayo na nang tuluyan ang ating mga katawang lupa sa isat-isa. paano na ang programa mo sa telebisyon? ako siguro ay mananatili pa rin dito sa ating bansa at maghahanap ng mga bagong pelikula na lalabasan. Bihira na ang ibinibigay na papel sa akin dahil matanda na raw ako at wala nang maipapakitang katawan. Ngunit nagkakamali sila diyan. Mas maganda pa nga ang aking katawan, hindi man kasing sariwa…

Sana nga makasunod na sa iyo si maricel sa lalong madaling panahon. Alam kong kayo na hanggang sa kaylanman. Marami nang karanasan kayong napasukang dalawa at marami pang pupuntahang istorya. Pagpalain kayong dalawa.

Ako naman, di na siguro pupuwede sa isang lesbiyanang relasyon. Hindi ko talaga kaya yun. isa pa, ang dati kong babasaging puso ay naging bato na. buhay na buhay na bato.

Iyon lang ngayon ang masasabi ko. Salamat sa mahaba mong liham.

Galing sa natatanging maganda sa dakong ito,

kookie! (Ng ina mo)

p.s. ang hinihingi mong script ng pinakabago kong pelikula ay sa susunod kong sulat ko lang maipapadala. Ang password noon ay katulad sa naibigay kong unang kabanata ng aking walang katapusang nobelang na ngayon ay may pamagat nang, “Ang Walang Katapusang Taon”

si kookie ng ina mo pa rin

Killing Poems

-inspired by the upcoming movie: "Angela: The Bading Assasin, A Musical"

1. 'Killing Song'

(1)

I need to be here
i need to kill
i have to be mean
blood has to spill
i have to be strong
this is my choice
soön it will be over
do we have to rejoice

(2)

c'mon, c'mon
let's get this over with
no need to scream
it will be fast and quiet
and when this is done
you don't have to haunt me
this is what i want
i won't even say sorry

(3)

stay close to me
never to let go
no time to run babe
there is no tomorrow
you've given them pain
payback time my friend
this is not personal
this business is my game

Chorus:

don't think you can run away
i'm getting better at this
but am i finally healing
when you suck your last breath?

9 Sep 2004

2. ‘Alone’

1)

It’s been a while here

Alone in my salon

I’ve been waiting

For pain to subside

But I feel it

Still inside my heart

My longing for him

Keeps growing wide

2)

Outside this salon

There is a world

Living a lie

Trying to stay alive

But I’m here dying

Trying to be strong

Needing to go on

Loving alone

Chorus

I need to fight it

This sadness

I have to hide it

This sorrow

There is still tomorrow

Waiting

There is still the sun

Shining

3)

A day will come

And I’ll be ready

Without you here

I’ll be happy

I feel it now

You’ll be over

I’ll breathe again

There’s no surrender

8 September 2004

3. Angela’s Realization: ’Nagbabagang Luha’ (Version 2)

1)

Hinangad kong labis ang iyong pag-ibig

Dahil nararapat na ika'y mahalin

Tayo ngang dalawa ay sa isat-isa

Puso'y magkarugtong hanggang sa dambana.

2

Kahit na noong una, di kita pinansin

Sinuyo mo ako para ika'y ibigin

Sa tagal ng panahon na tayo'y nagsama

Walang katapusang langit, ang aking nadama

Chorus 1

Kaya nga naglaho sa aking akala

Na biglang magising na ika'y wala na

Dibdib ko'y nawarak, luha'y nagbabaga

Mundo ko'y huminto, wala na ang saya

3

Higit pa sa buhay sa’yo ay binigay

Tunay na ang puso sa’yo ay inalay

Sa tagal ng panahon nating magkasama

Totoong ikaw lang ang aking ligaya

Chorus 2

Kaya nga nawala sa aking hinagap

Biglang pagkatunaw ng isang pangarap

Puso'y nag-aapoy, bakit nagdurusa

Nagbabagang luha, upos na'ng ligaya

Bridge

Sa kabila ng lahat ng luha at pait

Ako ay babangong may poot sa dibdib

Dugo mo'y dadanak, puso’y igaganti

Papatayin kita, ako’y magwawagi.

13 September 2004


4. Angela’s Love: “Dahil Ikaw Lamang” (Version 2)

Chorus 1

Dahil tanging ikaw ang tunay kong mahal

Ang araw sa dilim ng payak kong buhay

Ang tanging ligaya sa kawalan ng kulay

Ikaw ang pangarap hanggang sa kailanman

1

Noong una pa lang na ika’y nakita

Puso ko’y nagdiwang sa taglay mong ganda

Isang kasagutan sa aking paglimot

Sa nagdaang dusa, di na matatakot

2

Akala ko nga noon di na madarama

Walang katapusang tunay mong pagsinta

Ikaw na bituin sa gabi’y kapiling

Ang galak sa dibdib ng pusong malihim

Chorus 2

Dahil ikaw lamang ang tangi kong irog

Anghel na bantay ko sa aking pagtulog

Tunay na pag-ibig ng sawi kong buhay

Ikaw ang kapiling hanggang sa mamatay

3

Nang ika’y dumating bumalik ang saya

May kinang na’t sigla hapdi sa’king mata

Busilak mong dibdib hatid sa’ki’y ngiti

Ang iyong kapara gintong bahaghari

Bridge

Ikaw ang hangin ko sa aking paglipad

Ang apoy sa dibdib sa aking paglayag

Kahit tinig mo lang kayakap sa gabi

Ikaw aking sinta ang lambing sa labi

14 September 2004

5. ”Ganda”

1)

Magandang umaga sa mahal na madla

Pasok kayong lahat, halina magpaganda

Sa bongga kong parlor inyong ibandera

Byuti’y wag itago, sa otaw ipakita

Chorus

Ilabas, isambulat sa lahat

Na ang ganda mo’y likas

Buhok mo’y makintab

Madulas, makislap

Mga kuko’y sadyang

Iyong kinagagalak

Mukha mo’y may ngiti

Di ka kumukupas

3)

Halina ang lahat, ilabas na’ng ganda

Ibandera’ng byuti, mahalin ang sarili

Kung may problema ka, aaliwin kita

Halina kung malungkot, tayo nang magsaya

Bridge

Mukha ay gaganda, Dito na magpabyuti

Magwaldas ng ngiti mahalin ang sarili

Ano pa ba ang hahanapin sa iba

Sabaysabay tumawa, ating lahat ang ligaya!

8, 13 September